Abt Dietrich, Prior, Propst und das gesamte Kapitel des Stiftes Corvey überlassen den Bürgern der Stadt Marsberg die halbe Freigrafschaft zu Horhusen, die sie von Kaiser Otto, König Rudolf und anderen römischen Kaisern und Königen, insbesondere von Kaiser Karl (IV.) verliehen bekommen haben, und die damit verbundenen halben Brüchten und Einkünfte. Sie versprechen, einen Freigrafen nur mit Zustimmung des Rats der Stadt zu ernennen und die Kosten der Bestätigung durch das Reich gemeinsam tragen zu wollen, ferner alle die Freigrafschaft betreffenden Urkunden der Stadt zu treuen Händen zu übergeben, sich gegenseitig Hilfe zu leisten, wenn sie jemand an den Rechten der Freigrafschaft hindern sollte und diese nur mit Willen des Rats zu verkaufen oder zu versetzen. Jeder neue Abt solle die dem Rat übergebenen Urkunden der Freigrafschaft und die getroffenen Vereinbarungen akzeptieren. Datum per copiam sub sigillo discretorum virorum burgensium in Merseberg presenti transcripto vel copie firmiter annexo. Wy Dyderich von Godes gnaden abbet, prior, provest unde dat ghemeyne capitel des stichtes to Corvey bekennet unde betueget openbar in duossem breve unde duot witlich alle den ienen, dy dussen sulven bref seyt eder horet lesen, dat wy umme sunderliche vruntscap unde truwen dinst, den uns unde unsem vorvaren unde unsem stichte unse leyven unde ghetruwen borgere der stad von dem Merseberghe dicke ghedan hebbet unde noch duon mogit, hebbet ghegeven unde gevet in duossem breve dy vryen grascap half to Horhusen, dar men pleget to richtende heymeliche vrye ding, dy wy unde unse stichte hebbet ghehad von oldir tit von keyser Otten, von konige Rudolfe unde von anderen keysern unde konigen des Ruemeschen rikes unde sunderlichen von unsem heren keyser Karle, dy nuo eyn gheweldich keyser iz, dy uns unde unsem stichte dy vorgescreven vryen grascap ghevryet, gegeven unde ghestediget heft. Ouch so geve wy on alle dy broke unde opkome half, dy von dersulven vryen grascap to Horhusen vollen mogen, also dat wy noch unse nakomelinge an den broken unde an den upkomen nicht dun scholen, dy uttovorderden unde uptonemende efte quit to latende, wy en deyden dat semetlichen med dem rade der vorscreven stad to Mersberge, dy by der tit were, unde se mit uns unde unsem nakomelinge, unde dar scal unser eyn dem anderen ewelichen to helpen ane argelist. Vortmer wen men eynen vryen greven setten scal in dy vorscreven vryen grascap, dat scholde men duon met willen unser unde unser nakomelinge unde med willen eynes rades unser vorgenanten stad to dem Merseberge, de to der tit were, eyndrechlichen. Vortme wen des not were, dat men eynen vryen greven setten scholde in dy vorscreven vryen grascap, wat dat kostede to bestedigende von dem rike, dat scolde wy unde unse nakomelinge unde dy rad von dem Mersebergk, dy to der tit were, semetlichen unde medeynander duon. Vortmer wat wy unde unse stichte breve hedden up dy vorscreven vryen grascap, dy uns keyser unde konige des Romeschen rikes hebbet gegeven unde by namen, dy uns unse here keyser Karl, dy nuo eyn keyser iz, heft ghegeven, dy schulle wy, unse nakomelinge unde unse stichte allewege laten by dem rade to dem Merseberge to truwer hant. Vortmer were, dat uns, unsen nakomelingen unde unsem stichte der breve not were, so scolde eyn rad to dem Merseberge, dy to der tit were, uns unde unsen nakomelingen dysulven breve schicken unde senden by oren vrunde, dar uns unde on der breve nod were. Unde wenne dat berichtet were, dar men dersulven breve to der tit to behovede, so scolden des rades vrunde von dem Merseberge dysulven breve wedir med sik voren to dem Merseberge to truwer hant to holdende also vor. Vortmer were, dat uns, unse nakomelingen unde unse stichte unde unse borgere to dem Merseberge darumme jenichman bededingede edir hinderde mit kryge efte mit orloyge, dat scal unser eyn dem andren helpen weren mid guden truwen unde mit vuller macht ane argelist. Vortme lowe wy vor uns, unse nakomelinge unde vor unse stichte, dat wy dusse vorscreven vryen grascap nicht vorkopen noch versetten noch vorgeven scullen noch nergen henewenden, wy en dyden dat med willen unde mit gudir vulbort des rades unser stad to dem Merseberge, dy to der tit were. Vortmer wy eyn abbet werde na uns des stichtes von Corbey, wen men ome huldigen scolde to dem Mersberge, so scholde he den vorgenante unsen liven borgeren van dem Mersberge des sinen open bref geven, dat he ene alle dy breve, dy on gegeven sint, uppe dusse vorscreven vrien grascap gantz unde stede holden wille in aller wyse, also hir vorscreven steyt. In eyne openbare unde in ewyghe betuoginghe unde orkunde alle dusser ding, dy duosse bref heldet unde hirinne screven stad, so hebben wy, abbet Dyderich, unde dat capitel des vorgenanten [Vorlage: vorgenaten] stichtes to Corvey unse ingesegele ghehangen an duossen bref, dy ghegeven iz in dem jare der jartale unses heren Jesu Christi, wanne men scrivet von siner buord dusent dryhundert unde achte unde viftich jare des nesten duonerstages na Twelften

Urkunde

Show object

• Reference number: A 113u, 121
• Formal description: Vermerke: gleichzeitige Abschrift auf Pergament mit dem an Pergamentpressel anhängenden, stark beschädigten Siegel der Stadt Marsberg in grünem Wachs. Rückseitig: De dimidieta(te) secreti iudicii in Horhusen (15. Jh.). De medietate secreti iudicii in Harhausen (17. Jh.), zum Stadtberge anno 1358 (von anderer Hand des 17. Jhs). Abschriften in Marsberg Akten 36 fol. 43-44v, Corvey Akten 1439 S. 36-37, Msc. II 101 fol. 26-26v, vgl. Corvey Urk. 176 von 1349 Januar 26 und Seibertz 2 Nr. 746. Druck: Nikolaus Kindlinger, Münsterische Beiträge zur Geschichte Deutschlands, hauptsächlich Westfalens, 3. Band 2. Abt., Münster 1793 Nr. 158 S. 440-444

References and Relationships

• Context: Propstei Marsberg - Urkunden >> 1. Urkunden
• Holding: A 113u Propstei Marsberg - Urkunden

Contributors, Places and Time

• Date of creation: 1358 Januar 11

Further information

• Other object pages: Show object in "Archivportal-D"
• Delivered via: Archive in NRW