Johann Frese und sein Sohn Claus, Knappen, lassen um seiner treuen Dienste willen den Eigenen Herger Stubbemann frei. Ausfertigung Pergament, 27 x 9,5 cm. - Rep. 3 Lilienthal, Nr. 259. - 2 Siegel angehängt, fehlen. Wy Johan Vreze, Clawes sone, unde Clawes, des zulven Johannes sone, knapen, bekennet unde bethuget openbare in dessen breve,/ dat wy myt willen unde myt vulbord aller unzer rechten erven hebbet vryg unde quid ghelaten unde gheven unde latet unde ghevet/ vryg unde quid in dessem breve unzen eghenen man Hergere Stubbemanne unde alle, dat van eme komen mach, van alleme/ eghendome, denste unde plicht, dar he uns an to horde, umme anname unde truwes denstes willen, dat de zulve Herger uns/ heft ghedan. Unde wy unde unze erven hebbet vorteghen unde vortyet in dessem breve alles eghendomes, denstes, rechtes unde/ ansprake, de wy an en hebbet ghehat unde mer an en hebben mochten. Unde wy en scholet noch en willet den zulven Hergere/ unde alle, dat van eme kommen mach, unde ere ghud van eghendomes weghenne number mer anclaghen noch anspreken, men/ [se] scholet bruken aller vryheyt unde rechtes, der vrye lude to brukene pleghet. Unde wy Johan Vreze unde Clawes, zyn sone/ vorescreven, scholet unde willet unde unze erven den vorbenompden Hergere unde alle den ghennen, de van eme komen moghet, desser/ vryheit rechte warende wezen, wanne, wor unde wo dicke en des nod is unde se dat van uns eschet. Alle desse vorscreven/ stucke love wy Johan unde Clawes Vreze vorenompt an guden truwen myt zamender hant vor uns unde vor unze erven unde/ vor alle man stede vast to holdene unde unvorbroken ane jenigherleye weddersprake, hulperede unde arghelist. Unde hebbet/ des tho tughe unze inghezeghele witliken unde myt willen ghehanghen to dessen breve. Datum anno domini Mo CCCo LXXXo/ sexto, ipso die beatorum Symonis et Jude apostolorum.

Verzeichnung

Angaben zum Objekt

• Archivaliensignatur: NLA ST, Rep. 3 Lilienthal, Nr. 259

Verweise und Beziehungen

• Kontext: Zisterzienserinnenkloster Lilienthal - Urkunden >> 1 Urkunden in chronologischer Reihenfolge
• Bestand: NLA ST, Rep. 3 Lilienthal Zisterzienserinnenkloster Lilienthal - Urkunden

Klassifikation und Themen

• Indexbegriff Sache: eghene man
• Indexbegriff Person: Frese (Frezeken, Vrese, Vresze, Vreze), Claus (de), S d. Johann, knape (1385-1386)

Beteiligte, Orts- und Zeitangaben

• Laufzeit: 28.10.1386

Weitere Informationen

• Weitere Objektseiten: Objekt im "Archivportal-D" anzeigen
• Letzte Aktualisierung: 16.06.2025, 13:30 MESZ