Der Knappe Wilhelm von dem Busche, Drost von Delmenhorst und Harpstedt, und der Rentmeister von Delmenhorst stellen mit den Rechenmännern, Geschworenen und allen Einwohnern des Stedingerlandes das Verfahren bei Totschlag fest. Wytlick unde kundich zy alle den ghennen, de dessen breiff zehn off hören lezen, dat ick Wylhelm van den Bussche knape, to Delmenhorst unde Harpstede droste, Volbertz Schoede renthemester to Delmenhorst van wegen des erwerdigen in god unde heren hern Hinrick van Zwartzenburgh bischops to Munster unde administrator der hilgen kercken to Bremen, unses genedigen leven heren, unde Reckensmanne, sworne unde gantzen gemeynen inwonere des Stedingerlandes bekennen apenbar vor allen luden, dat wy mit guden eyndrachtigen vryen willen unde vullborde alle der ghenner, dar de van rechte oere vulbordt to geven Scholen, heben umme des ghemeynen besten willen unde umme bestentnisse des gemeynen Stedingerlantz umme mannich overvall, gewalt, vorstuer unde schaden, de mennighen fromen manne in deme sulfften lande wonafftich betz heer to gescheyn is, umme doitslach, de dar schuedt in deme vorscreven lande, dar denne dat sulffte landt mochte ton lesten over verwoesten, sodane overvall umbe doitlageshalven in deme lande vorbenompt, so zwar unde grofflick nicht en geschege na desseme daghe, soe wanner denne na desser tyt eyn doitslach schuede, de hantdadige, off he dar nicht aver greppen wordt van des doden frunde eder van den amptluden off vogeden, schall he wyken unde rumen, nicht in den vorscreven lande to blyven unde de doitslach schall wezen up zynen hals unde schaden unde nicht up zyner vrunt, de zolt des sunder schaden unde vrede wezen, ten [= it en] were zake, dat dar we van frunden off van anderen, wo de dan gelegen weren, behulp eder toschunynge to deden, dar ze zick an gerichte nicht entweren konden zick der zaeke unschuldich to maken, zollen ze tosamen gelike schuldich geholden wezen unde alle geliick den negesten vrunden den doden gelden unde ore guedt der slegere bewechlick unde unbewechlick, dat emme to oren deile mach belyken unde to boren schall sess wecke

Verzeichnung

Enthält: lanck staen to guder hoede beyde parthen. Offt zick de sleger mit den frunden gescheiden können in der vorscreven tiit, moghen ze doen unde velich ore guedt anvangen unde gebruken, unde de frunde des doden schollen unsen genedigen leven heren vorscreven zyn vaergelt geven van den eirsten termyne der betalinge, Offt zake were, de slegere zick nicht en scheideden van den frunden des doden vorscreven, moghen ze eyn deil gudes, dat em belyken mach, bewechlick unde unbewechlick, nemen, verkopen unde ore beste medde doen unde unsen gnedigen leven heren offte zyner genaden amptluden to Delmenhorst dat vaer unde nedder slach dar äff geven. Forder offt zake were eyn leddich knecht, de noch nicht hueszittende were, eynen doit sloghe unde zick so vorscreven is, nicht en scheidede bynnen sess wecken na des doden, schall men ock nemen zyn gudt unde verkopen unde dar erstmals unsen gnedigen heren offte ziner gnaden amptluden äff geven dat vaer unde nedderslach, unde dat dar boven is, schollen de neisten frunde des doden beholden unde gebruken. Vordtmeer offt zake were, eyn leddich knecht off man, de eyn inkomelinck were, eynen doit sloge unde nicht dar over greppen worde unde uith den lande bleve, dat de frunde des doden dar nicht van kreghen noch kryghen konden, schall unse gnedige leve her ock zyns vaergeltz enberen. Vordtmeer de den anderen sleit off stot blodich eder blauw, schall geven unsen gnedigen leven heren ene gewalt brocke gelyck dat duslange gewontlick gewest is. Alle desse vorscreven articule unde punte sampt eder itlick bisunder loven wy Willem van den Bussche etc. unde Volbertz, alle vorbenompt van wegene unses gnedigen leven heren, unde wy Rekensmanne, sworen unde inwoners des gantzen Stedingerlantz bewillen unde loven alle upgeschrevenen punte zampt unde deger all wall vor uns, unse nakomelinge unde inwoners des vorbenompten lantz in guden Steden vasten truwen eweliken unde ummermeir wall to holden sunder jenigerleige hulpp eder wedderspake off argelist. Des to tuge der warheit heben wy Willem unde Volbertz vorbenompt unse rechten ingezegele don hangen an dessen breiff, unde wy Rekensmanne, sworen unde gemeynen inwonners des lantz vorscreven heben to forder bekantnisse unses lantz ingezegel ock hangen laten an dessen breiff. Gegeven na gotz gebordt dusent vierhundert achte unde tächtentich des neisten donredages na Sunte Mertens daghe. Datierung: 1488 November 13 (des neisten donredages na Sunte Mertens daghe) Ausfertigung; mnd.; Pergament, 22 x 27 cm; Plica: 2 cm Rückvermerk: Des Delmenhorstischen Drosten und Rentmeisters wie auch der Rekensmänner des Stedingerlandes Vergleichung, wie es mit den Stedinger Todtschlägers und ihren Gütern gehalten werden solle in puncto confiscationis. Siegel: ja; Anzahl 3 (Siegel 1, 2, 3 (dies in Bruchstücken, restauriert und ergänzt) an; runde Siegel in braunem Wachs an Pergamentpresseln anhängend, 3 wohl das Landeswappen); 2 cm, 2 cm und 4,5 cm Beilagen: ja Druck: OUB 3, Nr. 54 (Regest und Transkription)

Object Details

• Reference number: NLA OL, Best. 24, -6 Urk. Nr. 3
• Former reference number: Best. 24-6 Landessachen

References and Relationships

• Context: Friesische Landesgemeinden >> 5 Urkunden >> 5.3 Land Stedingen
• Holding: NLA OL, Best. 24 Friesische Landesgemeinden

Contributors, Places and Time

• Date of creation: 13.11.1488

Further information

• Other object pages: Show object in "Archivportal-D"
• Last update: 16.06.2025, 11:08 AM CEST